कृषिमा ५७ अर्ब ४८ करोड बजेट: उत्पादन, निर्यात र बीमामा जोड

सरकारले आगामी आर्थिक वर्ष २०८२/८३ का लागि कृषि तथा पशुपन्छी विकास मन्त्रालयलाई ५७ अर्ब ४८ करोड रुपैयाँ बजेट विनियोजन गरेको छ। अर्थमन्त्री विष्णु पौडेलले बजेट प्रस्तुत गर्दै उत्पादन र उत्पादकत्व वृद्धिमा प्राथमिकता दिइने जानकारी दिए। उनले कृषि निर्यात प्रवर्द्धनमा जोड दिइने र बीमा कार्यक्रममा साना तथा मझौला किसानलाई समावेश गरिने बताए। कृषि क्षेत्रलाई आत्मनिर्भर र व्यवसायमुखी बनाउने उद्देश्यले बजेट व्यवस्था गरिएको मन्त्री पौडेलले स्पष्ट पारे। यसले ग्रामीण अर्थतन्त्र सुदृढ गर्दै रोजगारी सिर्जना गर्ने अपेक्षा गरिएको छ। बजेटले समावेशी तथा आधुनिक कृषि प्रणालीलाई बढावा दिने संकेत दिएको छ।