हेटौँडा–४ मा नाटक प्रतियोगिता सुरु, सामाजिक चेतना प्रबर्द्धनमा जोड

हेटौँडा उपमहानगरपालिका–४ नम्बर वडा कार्यालयको आयोजनामा नाटक प्रतियोगिता सुरु भएको छ। आइतबार पहिलो दिन हेटौँडा–५ स्थित ज्ञानोदय बालवाटिका विद्यालयका विद्यार्थीले ‘रक्ताम्य मेरो शरीर’ नाटक प्रस्तुत गरे, जसमा महिलामाथि हुने घरेलु हिंसा, बलात्कार र लाञ्छनाबारे दर्शाइएको छ। हेटौँडा–१८ नम्बर वडा बाल सञ्जालले लागूपदार्थ दुव्र्यसनविरुद्ध सचेतनामूलक नाटक प्रस्तुत गर्‍यो, जसमा लागूपदार्थले स्वास्थ्य र परिवारमा पार्ने प्रभाव देखाइएको थियो।

हेटौँडा–४ वडाध्यक्ष नविन सिग्देलका अनुसार यी नाटकहरूले समाजमा चेतना अभिवृद्धि गर्दै कला र संस्कृतिको प्रवद्र्धन गर्नेछन्। प्रतियोगितामा ६ सामुदायिक विद्यालय, ५ निजी विद्यालय र बाल सञ्जाल सहभागी छन्। फागुन २३ गतेसम्म चल्ने प्रतियोगितामा प्रथम, द्वितीय र तृतीय स्थान हासिल गर्ने टोलीलाई क्रमशः १५ हजार, १० हजार र ५ हजार नगद पुरस्कार दिइनेछ। नाटक नवोदय शिशु सदनका विद्यार्थीहरू माझ प्रदर्शन गरिएको थियो।