लिभरपुल उपाधिकाे संघारमा: पाँच खेल बाँकी हुँदा १३ अंकको अग्रता, आइतबार टोट्टनहाममाथि जित हात पार्न सके इतिहास रचिने

इङ्लिस प्रिमियर लिग यो सिजन रोमाञ्चक मोडमा पुगेको छ, जहाँ लिभरपुल उपाधिकाे संघारमा पुगेको छ। २० टोली सहभागी लिगमा ३३ खेलपछि लिभरपुल ७९ अंकसहित शीर्ष स्थानमा छ भने दोस्रो स्थानको आर्सनलभन्दा १३ अंकले अगाडि छ। अब लिभरपुलले आइतबार टोट्टनहामलाई हराए चार खेल बाँकी छँदै उपाधि जित्नेछ। यदि त्यसअघि बिहीबार आर्सनल क्रिस्टल प्यालेससँग पराजित भयो भने लिभरपुलले पाँच खेल अगावै उपाधि चुम्नेछ। यसअघि लिभरपुलले सन् २०१९–२० मा उपाधि जितेको थियो। लिभरपुलको हालको प्रदर्शन उत्कृष्ट रहेको छ—२४ जित, ७ बराबरी, २ हार, ७५ गोल। बाँकी खेलहरू चेल्सी, आर्सनल, ब्राइटन र क्रिस्टल प्यालेससँग छन्। यदि लिभरपुल यस सिजन उपाधि जित्छ भने २० औँ पटक उपाधि जित्दै म्यानचेस्टर सिटीसँग बराबरी गर्नेछ। आर्सनल भने पछिल्लो पटक सन् २००३–०४ मा लिग च्याम्पियन बनेको थियो।