रोनाल्डोको शानदार प्रदर्शन: अल नासरले अल वासललाई ४-० ले पराजित गर्यो

साउदी प्रो लिग क्लब अल नासरले एएफसी च्याम्पियन्स लिग इलाइटमा यूएईको क्लब अल वासललाई ४-० ले पराजित गर्दै ठूलो जित हासिल गरेको छ। यस खेलमा पोर्चुगिज स्टार क्रिस्टियानो रोनाल्डोले २ गोल गरेर आफ्नो टोलीको जितमा अहम भूमिका निभाए। रोनाल्डोले पहिलो गोल पेनाल्टीमा र दोस्रो गोल हेडरमार्फत गरे। यससँगै उनले आफ्नो करियर गोल संख्या ९२३ पुर्‍याए।

रोनाल्डो ४०औं जन्मदिनको पूर्वसन्ध्यामा उत्कृष्ट प्रदर्शन गर्दै खेलमा दुबै गोल गरेका थिए। उनका छोरा पनि खेल हेर्न आएका थिए र गोलको सेलेब्रेशनमा देखिन्थे।

यो जितपछि अल नासर ७ खेलबाट १६ अंकसहित एएफसी च्याम्पियन्स लिग इलाइटमा तेस्रो स्थानमा रहेको छ। अल वासल ११ अंकसहित चौथो स्थानमा छ। अल नासरको जितले उनीहरूको आत्मविश्वासलाई बलियो बनाएको छ र उपाधि जित्नका लागि उनीहरूको आशा कायम राखेको छ।